image

Leihoak hausten ez nago zure zain.

Ibilbide laburreko taldea izan arren, Nøgenek zeresan handia eman du azken urtean bere hiru kantako lehen EParekin. 2016an Danimarkako Erasmuseko gau luzeek jo zituzten Nøgenen lehen ukelele akordeak. Horien eskutik josi zituen ilusioz, herriminez eta malenkoniaz Markel Idigorasek aurreneko melodia eta hitzak. Bere barrena islatzeko eta biluzteko nahia (hori baita Nøgen danieraz: biluzik) berekin ekarri zuen Donostiara bueltan eta segituan kutsatu zituen Alex Irazustaren gitarra eta Ane Negueruelaren ahotsa.

Screenshot
image

Hirukote gisa hasi zuen bere ibilbidea Nøgenek eta hainbat kontzertu eman zituen 2016ko udan. Pop-folk alaiaren (Mumford and Sons, Of Monsters And Men, La M.O.D.A...) ildotik sortutako kantu propioak eskaintzen zituzten. Soinu sendoagoa eta handiagoa bilatu nahian, urte amaieran Olatz Cuevas baxuan eta Jokin Guilisagasti baterian batu zitzaizkien, eta 2017ko uda iristerako boskotean aritu ziren zuzenean.

Aldi berean, proiektua ezagutarazteko asmoarekin, hiru kantuko “Lys” EPa prestatu zuten Muir estudioetan, udan aurkeztu zutena. Nora izan zen oihartzun bereziko singlea, taldea anonimatutik ateratzea lortu baitzuen.

2018 hasieran, proiektuak aurrera egiten zuela ikusita, eta Anek taldea uzteko erabakia hartu zuen momentu berean, lehen lan luzea grabatzeko apustua egin zuen Nøgenek: “Liv til døden” (Hil arte bizi). Azaroan ikusi du argia eta bederatzi kantu ditu, guztiak Haritz Harreguyren estudioan grabatuak eta Ultramarinosen masterizatuak. Lehen aurrerapen kantua da Enarak, maiatzean kaleratu zen.

Liv til døden ez da simulakro bat. Euskara eta ingelesa nahastuz, eta beraien nortasun bilakatzen ari den pop-folka oinarri hartuta, estilo honek bildu ditzakeen kolore guztiak jorratu dituzte. Freskotasuna gordetzen duen lan heldua jarri digu esku artean Nøgenek. “Lys”-en entzun genituen melodia alaiak Enarak, Hil arte Bizi edo D&D kantuetan mantentzen badira ere, Loreak eman arte abestiak, esaterako, erritmo pausatuagora eramango gaitu melodia apurtuen bidez, sakontasunean murgilduz. Bestalde, Anai edo Keari abestiek doinu nostalgikoak arakatzen dituzte hasieran, indarrez beteriko estribiloetan eztanda egiteko ondoren. Esperantza desesperatutik sortutako alaitasun nahi hori marraztu digu Nøgenek “Liv til døden”en. Baina sentimendu korapilatsu honek ez zaitzatela eraman; hartu arnasa sakon eta murgildu Oxigenoa izeneko kantuan. Folka baino popagoa den kantu honek testura zabalagoetara eramango gaitu, astiro osatzen eta intentsitatez igotzen doan gitarra arpegioa garatuz.

Nøgen ez da bakarrik egon grabazioan. Ez da ondo aterako abestia, “Liv til døden”en bigarren aurrerapen lana da. Bertan La M.O.D.A. taldeko lagunekin lan egiteko aukera izan dute. Istorio hau burgosekoek Donostian emandako kontzertu akustikoan hasi zen. Berehala hitzartu zuten elkarlana eta martxoan Haritz Harreguyren estudioan elkartu ziren abestia grabatzeko. Baina hau ez da diskoko kolaborazio bakarra. D&Dn Jone Laspiurrek abesten du, Kearin Skakeitan taldeko Aitor Valcarlos eta Ander Zabala entzun ditzakegu haizeetan. Gainera, Loreak eman arten Antton Telleriak lagundu du tinbaletan, Oxigenoa abestian Julen Idigoras sintetizadoreetan, eta hainbat abestitan Garazi Esnaola aritu da tekletan. Azken horrekin batera aritu dira Gertu abestian Izaro eta Serrulla. Danimarkan konposatutako lehen abestia izanik, leku berezia egin nahi izan dio taldeak lehen iraupen luzeko diskoan. Nahiz eta aurreko EPan kaleratu zuten, bertsio berri bat egin dute zuzenean grabatuta. Modu horretara soilik lor daitekeen ukitu bereziarekin jantzi dute abestia.

Danimarkatik Donostiara, egun Eider Saezek, Markel Idigorasek, Alex Irazustak, Olatz Cuevasek eta Jokin Guilisagastik osatzen duten taldea hil arte bizitzera etorri zaigu, indarrez beteriko proposamen batekin. Abenduaren 27an aurkeztuko dute “Liv til døden” Donostiako Antzoki Zaharrean

Background Image
  • Eider Saez / 
    Ahotsa
  • Markel Idigoras / 
    Ukelele eta ahotsa
  • Alex Irazusta / 
    Gitarra eta ahotsa
  • Olatz Cuevas / 
    Baxua eta koroak
  • Jokin Guilisagasti / 
    Bateria eta koroak

Kontzertuak


  • Abe 13

    Zaragoza
    La Bóveda del Albergue

  • Abe 14

    Barcelona
    Sala Sidecar

  • Abe 28

    Atarrabia
    Hatortxu Rock
    Sarrerak agortuak

Blog-a

Post Image
54. Heineken Jazzaldia

Liv Til Døden Tour txoko desberdinetara iritsi da aurten. Udako kontzerturik garrantzitsuenetako bat eman dugu Donostiako 54. Heineken Jazzaldian. Donostian...

Gehiago Irakurri
Post Image
International Tour: Cuba

Cubako birarekin eman diogu hasiera udari. Euskal Herritik kanpo egiten dugun lehen bira da eta maleta ilusioz bete dugu Atlantikoaren...

Gehiago Irakurri
Post Image
LIV TIL DØDEN: AURKEZPEN KONTZERTUA

Abenduaren 27an aurkeztu dugu Liv Til Døden, gure lehen disko luzea, Donostiako Antzoki Zaharrean. Hilabete lehenago sarrera guztiak agortuta zeuden....

Gehiago Irakurri
Post Image
Nøgentzero

Zuen babesagatik gure esker ona adierazteko Gabonetan gure kamisetak oparitzea bururatu zitzaigun. Horretarako, gure sare sozialetara mezu bat bidali zutenen...

Gehiago Irakurri
Post Image
53. Durangoko Azokan disko berria aurkezten

53. Durangoko Azokan izan gara disko berria aurkezten abenduaren 5etik 9ra eta izugarria izan da. Euskal soltzaileen lanak biltzen dituen...

Gehiago Irakurri
Post Image
Disko berriaren aurkezpen kontzertua Donostiako Antzoki Zaharrean izango da

Nøgenen lan berria, Liv Til Døden, pop-folk doinuak uztartzen dituen diskoa, azaroan argitaratu zen. Aurkezpen kontzertua Donostiako Antzoki Zaharrean izango...

Gehiago Irakurri
Post Image
Liv Til Døden, Nøgenen lan berria kalean

Liv Til Døden da gure lan musikal berriaren izena. Esfortzu eta ilusio handiz sortu ditugu diskoko bederatzi abestiak. Lehen EPan...

Gehiago Irakurri
Post Image
Merchandising berria kontzertuetan salgai!

Badira egun batzuk geure azken kontzertuetan bai kamisetak baita poltsak zuen eskura jartzen hasi garenak. Modelo ezberdinak daude!

Gehiago Irakurri